महायुतीचे अधिकृत उमेदवार आदिती तटकरे यांनी जोरदार शक्ती प्रदर्शन करीत उमेदवारी अर्ज केला दाखल

 

महायुतीचे अधिकृत उमेदवार आदिती तटकरे यांनी जोरदार शक्ती प्रदर्शन करीत उमेदवारी अर्ज केला दाखल  

 श्रीवर्धन / जितेंद्र नटे 

महायुतीचे अधिकृत उमेदवार आदिती तटकरे यांनी श्रीवर्धन मध्ये शुक्रवार दिनांक २५ ऑक्टोबर २३ रोजी निवडणूक अधिकारी महेश पाटील यांच्याकडे उमेदवारी अर्ज दाखल केला आहे. आदिती तटकरे यांनी सर्व प्रथम ग्रामदेवता आई सोमजाई देवीचे दर्शन घेत जोरदार शक्ती प्रदर्शन केले याची सुरवात श्रीवर्धन एसटी स्टँड पासून छत्रपती शिवाजी महाराज चौक मार्गे सोमजाई नगर मार्गां वरील सभा मंडपापर्यंत केली. उमेदवारी अर्ज भरण्यापूर्वी सोमजाई नगर जवळील मैदानात जाहीर सभेचे आयोजन करण्यात आले होते. यावेळी खासदार सुनील तटकरे , महाड पोलादपूर आमदार भरत शेठ गोगावले, अल्पसंख्यांक मंडळाचे अध्यक्ष मुश्ताक अंतुले , माजी आमदार अनिकेत तटकरे आदिती तटकरे यांची उपस्थिती होती. जनसमुदायाला संबोधित करीत असताना . महिला व बालविकास खात्याचे मंत्रीपद मिळाल्यानंतर महाराष्ट्रातील महिलांसाठी अनेक कल्याणकारी योजना राबवण्यात यश आले. पालकमंत्री म्हणून दर्जेदार कामगिरी बजावली संकटकाळात सर्वांची सेवा करण्याची संधी मिळाली हे मी माझे भाग्य समजते असे आदिती तटकरे यांनी सांगितले. भरतशेठ गोगावले यांनी महायुतीची सर्व ताकद अदितीच्या पाठी उभी असल्याचे सांगत पदाधिकारी आणि कार्यकर्ते यांना निवडणूक प्रचारासाठी सक्रिय होण्याच्या सूचना केल्या . खासदार सुनील तटकरे यांनी सन २००९ नंतर सन २०२४ पर्यंत श्रीवर्धन म्हसळा मतदारसंघात केलेल्या विविध विकास कामांची माहिती दिली. मुख्यमंत्री लाडकी बहीण योजना त्याच समवेत इतर योजना अखंड चालू राहतील याची हमी दिली . कार्यक्रमाचे प्रास्ताविक अनिकेत तटकरे यांनी केले.महायुतीने जोरदार शक्ती प्रदर्शन करत आदिती तटकरे यांचा उमेदवारी अर्ज दाखल केला. यावेळी राष्ट्रवादी काँग्रेस शिवसेना भाजप महायुतीच्या घटक पक्षांतील तालुकाध्यक्ष जिल्हाध्यक्ष व इतर पदाधिकारी उपस्थित होते.