पॉवरलिफ्टिंग स्पोर्ट्स असोसिएशन रायगड, मास्टर्स पॉवरलिफ्टिंग राष्ट्रीय स्पर्धेत पेण चे रमेश खरे यानानसुवर्णपदक

 

पॉवरलिफ्टिंग स्पोर्ट्स असोसिएशन रायगड, मास्टर्स पॉवरलिफ्टिंग राष्ट्रीय स्पर्धेत पेण चे रमेश खरे यानानसुवर्णपदक

पेण : 

राष्ट्रीय मास्टर्स पॉवरलिफ्टिंग इक्विपड आणि अनईक्विपड स्पर्धा इंदौर(मध्य प्रदेश) येथे 21 जुलै 2024 ते 27 जुलै 2024 या कालावधीत संपन्न होत आहेत. या स्पर्धेत महाराष्ट्र राज्य पॉवरलिफ्टिंग संघातून मास्टर्स पुरुष4 (70 वर्षावरील स्पर्धक) साठी रायगड जिल्ह्याचे, पेणच्या हनुमान व्यायाम शाळातील रमेश उर्फ आप्पा खरे यांची निवड 66 किलो वजनी गटासाठी झाली होती. सदर स्पर्धा ही दिनांक 22/7/2024 रोजी संपन्न झाली. या स्पर्धेत ज्येष्ठ पॉवरलिफ्टिंग खेळाडू रमेश खरे (वय वर्ष 75 पूर्ण)यांनी एकूण 205 किलो वजन उचलून सुवर्णपदक पटकाविले आहे. स्कॉट या प्रकारात 60 किलो, बेंच प्रेस प्रकारात 55 किलो, आणि डेडली प्रकारात 90 किलो असे एकूण 205 किलो वजन त्यांनी उचलले. त्याबद्दल त्यांना गटातून पहिले आणि इतर प्रकारातील ही पहिले अशी एकूण चार सुवर्णपदक प्राप्त झाली आहेत. महाराष्ट्र राज्य रस्ते विकास महामंडळाच्या हेड मेकॅनिक या पदावरून सेवानिवृत्त झालेले रमेश खरे हे हनुमान जिमचे संचालक,राष्ट्रीय पॉवर लिफ्टिंग पदक विजेते दाम्पत्य"राजेश अंनगत"आणि आणि"मयुरा अंनगत"यांच्या मार्गदर्शनाखाली सराव करीत आहेत. तसेच शरीरसौष्ठव पंच असून रायगड संघटनेवर कार्यरत आहेत. त्यांच्या सुवर्णपदका बाबत पॉवर लिफ्टिंग स्पोर्ट्स असोसिएशन रायगड चे अध्यक्ष गिरीश वेदक, उपाध्यक्ष सुभाष भाटे(महाड)सहसचिव सचिन भालेराव, खजिनदार राहुल गजरमल, सदस्य संदीप पाटकर, सुभाष टेंबे.(माणगाव) दत्तात्रय मोरे(कर्जत)कार्याध्यक्ष यशवंत मोकल, माधव पंडित आणि सचिव अरुण पाटकर यांनी आनंद व्यक्त केला आहे.रमेश खरे यांनी या वयात सुवर्ण पदक प्राप्त करून एक प्रेरणादायी आदर्श आजच्या रायगड जिल्ह्यातील तरुण पिढीला दिला आहे.असे मत संजय सरदेसाई (सचिव,महाराष्ट्र राज्य असोसिएशन,)यांनी व्यक्त केले आहे.