जमातुल मुस्लिम संस्था, म्हसळा यांच्या वतीने पाणपोईचे उदघाटन

जमातुल मुस्लिम संस्था, म्हसळा

यांच्या वतीने पाणपोईचे उदघाटन

म्हसळा : दि. २०/०२/२०२४ रोजी सायंकाळी ४ वाजता जमातुल मुस्लिम संस्था म्हसळा या संस्थेच्या वतीने एस.टी. स्टॅन्ड येथे पाणपोईचे उदघाटन करण्यात आले. त्याप्रसंगी जमतुल मुस्लिम म्हसळा सचिव साजिद हुर्जुक, शुएब घराडे, शौकत घरटकर, मुनीर जमादार, फारुक डोसानी, बुरहान वसगरे, नईम दळवी, मुजीब साने, अभय कळमकर, मनोहर तांबे, अकमल कादरी, शहजाद लांबे, शाहनवाज उकये, अनेक मान्यवर उपस्थित होते. तसेच बाजारा मध्ये हि पाणपोईची सुविधा करण्यात आली आहे. दोन्ही ठिकाणी थंड फिल्टर पाण्याचे जार जनतेच्या सेवेसाठी उपलब्ध करण्यात आले आहेत. तरी जनतेने या थंड पाण्याच्या पाणपोईचा लाभ घ्यावा. कोणत्या ठिकाणी पिण्याच्या पाण्याची गरज भासत असेल तर आपण संस्थेकडे संपर्क साधावा. पिण्याच्या पाण्याची सुविधा करण्यात येईल. एस.टी. स्टॅन्ड मध्ये येणाऱ्या जाणाऱ्या प्रवाशांना पिण्याच्या पाण्याची गैरसोय होऊ नये तसेच उन्हाळा चालू झाला आहे, उन्हामुळे माणसाला खाण्यापेक्षा पाण्याची जास्त गरज लागते. म्हणून संस्थेने हि पिण्याच्या पाण्याची सुविधा करण्याचे ठरविले. आज पासून संस्थेने वरिष्ठांच्या हस्ते उदघाटन करुन जनतेसाठी अनमोल सेवा सुरु केली आहे तरी जनतेने या सेवेचा मनसोक्त लाभ घ्यावा अशी संस्थेच्या वतीने विनंती.