शेती आणि शेतकऱ्यांच्या समृद्धीसाठी पंतप्रधान किसान सुविधा केंद्र- जिल्हाध्यक्ष अविनाश कोळी गुरुवारी होणार पंतप्रधान नरेंद्र मोदी यांच्या हस्ते लोकार्पण पनवेल (प्रतिनिधी) शेतक-यांना शेतीसाठी लागणारी बी-बियाणे, औषधे, औजारे, खते यांच्या खरेदीसाठी वेगवेगळ्या दुकानात जावे लागते.पंतप्रधान किसान सुविधा केंद्र ही योजना शेतक-यांना या सर्व सेवा सुविधा एकाच ठिकाणाहून पुरविण्यासाठी सुरू करण्यात येत आहे.एकाच ठिकाणी बी-बियाणे, औषधे, औजारे, खते उपलब्ध झाल्यामुळे त्यांची धावपळ वाचणार आहे. सध्या तालुका, प्रांत, ब्लॉक, खेडेगांव पातळीवर खतांची किरकोळ विक्री करणारी (रिटेल शॉप) केंद्रे आहेत. त्याचे रूपांतर आता वन स्टॉप शॉप मध्ये होणार आहे, आणि या केंद्राचे लोकार्पण देशाचे लोकप्रिय पंतप्रधान नरेंद्र मोदी यांच्या हस्ते गुरुवारी २७ जुलै रोजी राजस्थान येथे होणाऱ्या सोहळ्यातून करणार असल्याची माहिती भाजपचे उत्तर रायगड जिल्हाध्यक्ष अविनाश कोळी यांनी आज पत्रकारांशी संवाद करताना दिली.         त्यांनी पुढे माहिती देताना पंतप्रधान किसान समृद्धी केंद्रांची उद्दिष्टे सांगितले. यामध्ये शेतक-यांना दर्जेदार बी-बियाणे, औषध

नालासोपारा एस. टी. बस आता मनवेल पाडा येथून सुटणार - योगेश बोर्ले  विरार (जितेंद्र नटे): महाराष्ट्र नवनिर्माण सेना नालासोपारा वॉर्ड क्र -८२ चे गटाध्यक्ष व आपल्या म्हसळा तालुक्याचे रहिवासी श्री योगेश गोपाळ बोर्ले व त्यांचे सहकारी यांच्या पाठपुराव्याने श्रीवर्धन ते नालासोपारा एस टी फेरी श्रीवर्धन ते नालासोपारा -मनवेल पाडा (प्रायोगिक तत्वावर) पर्यंत वाढविण्यात आली असून प्रवाशांचा प्रतिसाद मिळाल्यास श्रीवर्धन -नालासोपारा-मनवेलपाडा ही फेरी कायमस्वरूपी सुरु ठेवण्यात येईल तरी या सेवेचा सर्व प्रवाश्यांनी लाभ घ्यावा. असे या ठिकाणी योगेश यांनी सांगितले. ही बस पुढे चालू राहण्यासाठी नागरिकांनी ही प्रतिसाद देणे गरजेचे आहे. त्यातच अनेक लोक हे विरार येथेही राहत असून आणि भरपूर प्रवासी असून विरारवरून आणखीन एक बस सोडावी गणपतीसाठी. अनेक लोक येथून प्रायव्हेट बस मधून जातात ते परवडत नाही.. तरी गणपतीसाठी विशेष गाड्या सोडव्यात यासाठी सुद्धा प्रयत्न करणार आहोत. असे बोर्ले म्हणाले. मनसे कडून केलेल्या या प्रयत्नामुळे त्यांचे कौतुक करण्यात येत आहे लोक आभार व्यक्त करत आहेत.

ऑनलाईन फ्रॉड करून फसवणाऱ्या आरोपीला पनवेल शहर पोलिसांनी गेले गजाआड; ४० हजार रुपयांचा मुद्देमाल केला हस्तगत पनवेल (संजय कदम): एक अनोळखी इसमाने शेअर मार्केटमध्ये गुंतवणुक केल्यास मोठा नफा देतो असे वेळोवेळी सांगुन आकाश गायकवाड यांची ३ लाख ७१ हजार रुपयांची फसवणूक केली होती. याप्रकरणी पनवेल शहर पोलिसांनी आरोपीला ताब्यात घेतले असून त्याच्याकडुन गुन्हा करण्यासाठी वापरलेले २ मोबाईल फोन व १ लॅपटॉप असा एकूण ४०,०००/ रु. किंमतीचा मुद्देमाल जप्त केला आहे.       आकाश गायकवाड (वय ३१) यांनी एका अनोळखी आरोपीने पृथा कुलकर्णी नावाचे फेसबुक अकाऊंटवरुन मेसेज व कॉल करुन तसेच मोबाईल वरून कॉल करुन शेअर मार्केटमध्ये गुंतवणुक केल्यास मोठा नफा देव असे वेळोवेळी सांगुन ३ लाख ७१ हजार रुपये गुंतविण्यास प्रवृत्त करुन सदरची रक्कम व त्यावरिल नफा यापैकी काहीएक न देता आर्थिक फसवणुक केली असल्याची तक्रार दाखल केली होती. या प्रकरणी पनवेल शहर पोलीस ठाण्यात भा.द.वि.स कायदा कलम ४२० सह माहिती तंत्रज्ञान अधिनियम सन २००० चे कलम ६६ (ड) अन्वये गुन्हा नोंद करण्यात आलेला होता. सदर गुन्हा दाखल झाल्यानंतर पनवेल पोलीस ठाण्याचे वरिष्ठ पो

मोक्का लागलेल्या सराईत चेन स्नॅचरला आणि त्याच्या साथीदारांना पनवेल शहर पोलिसांनी केली अटक; १० गुन्हे आणले उघडकीस पनवेल (संजय कदम): अजित बळीराम मोकळ हे त्यांची पत्नी, आई व दोन लहान मुलांसह रिक्षा मधुन प्रवास करीत असताना रिक्षाचे पाठीमागुन येणारी काळ्या रंगाच्या मोटार सायकल वरील दोन अनोळखी इसमांपैकी पाठीमागे बसलेल्या इसमाने तक्रारदार यांच्या पत्नीच्या गळ्यातील सोडतीन तोळे वजनाचे सोन्याचे गंठन पेंडलसह जबरीने हिसका मारुन चोरुन नेले होते. सदर गुन्हा दाखल होताच पोलिसांनी शिताफीने तपास करीत गुन्ह्यातील २ आरोपींना ताब्यात घेऊन गुन्हा उघडकीस आणला आहे.        या गुन्ह्याबाबत पोलीस आयुक्त मिलिंद भारंबे, पोलीस सह आयुक्त संजय मोहिते, पोलीस उप आयुक्त पंकज डहाणे व अशोक राजपुत, सहा. पोलीस आयुक्त, पनवेल विभाग यांनी गुन्हयातील आरोपींचा शोध घेवून गुन्हा उघडकीस आणण्याबाबत सुचना दिल्या होत्या. त्यानुसार वरिष्ठांनी दिलेल्या सुचनांनुसार पनवेल पोलीस ठाण्याचे वरिष्ठ पोलीस निरीक्षक नितीन ठाकरे यांचे मार्गदर्शनाखाली गुन्हे प्रकटीकरण पथकाचे अधिकारी व अंमलदार यांनी घटनास्थळाचे परिसरातील सी. सी. टी. व्ही. कॅमेराची

गार्डन हॉटेल जवळ झाड पडले उन्मळून पनवेल  (वार्ताहर) : पनवेल शहरातील पायोनीअर विभाग येथील गार्डन हॉटेल जवळ अनेक वर्षे जुने झाड अचानक उन्मळून विद्युत वाहिनीवर पडले. सुदैवाने यामध्ये जीवित हानी झाली नाही. घटनेची माहिती मिळताच माजी नगरसेवक तथा भाजपा जिल्हा सरचिटणीस नितीन जयराम पाटील, सोशल मीडिया संयोजक प्रसाद हनुमंते, प्रसाद कंधारे, विनीत मढवी, महेश सरदेसाई, सचिन नाझरे यांनी सदर स्थळी जाऊन झाड हटवण्यासाठी मदत कार्य केले. गार्डन हॉटेल वरून येणारा स्वामी नित्यानंद मार्ग मुख्य रस्त्यामध्ये मोडत असल्याने यावर कायम रहदारी असते. त्यामुळे पालिका कर्मचारी, अग्निशमन दलाचे अधिकारी पाटील आणि त्यांचे कर्मचारी यांनी विशेष परिश्रम घेतले तर वाहतूक पोलीस उपनिरीक्षक गणेश खांडेकर यांच्या सहयोगाने रस्ता वाहतुकीसाठी लवकर मोकळा करण्यात आला. फोटो : गार्डन हॉटेल जवळ झाड पडले उन्मळून

करंजाडेकर काढणार सिडको विरोधात जल आक्रोश मोर्चा पनवेल (वार्ताहर) : एकिकडे पावसाळा सुरु झाला असताना दुसरीकडे करंजाडे वसाहतीला तीव्र पाणी करण्यास टंचाई निर्माण झालेली आहे. करंजाडे वसाहतीत मागणीप्रमाणे पाणी मिळत नसल्याने उन्हाळयासारखीच स्थिती झाली आहे. एमजेपीच्या पाणी प्रकल्पावरील पंप नादुरुस्त झाल्याने झाल्याने करंजाडेकरांच्या घशाला कोरड पडत असल्याने कॉलेजफाटा येथील टर्फमधील बैठकीमध्ये करंजाडेकरांनी नाराजी व्यक्त केली आहे. यावेळी बैठकीला माजी सरपंच रामेश्वर आंग्रे, मा. उपसरपंच योगेंद्र कैकाडी, माजी पोलीस अधिकारी सी.टी. पाटील, शिवसेना निखिल भोपी, किरण पवार, पोलीस पाटील कुणाल लोंढे, चंद्रकांत गुजर यांच्यासह नागरिक महिला मोठया प्रमाणात उपास्तित होते.                 सिडकोची स्वःताची यंत्रणा नसल्याने पाण्याकरीता पूर्णपणे महाराष्ट्र जीवन प्राधिकरणावर अवलंबून राहावा लागत आहे. त्यातुलनेत एमजेपीकडून कमी पाणी दिले जाते. याचे कारण म्हणजे जुनाट झालेल्या जलवाहिन्या होय. त्यांना फुटीचे ग्रहन लागले असल्याने मुबलक जास्त दाबाने पाणी दिले जात नाही. या शिवाय भोकरपाडा जलशुध्दीकरण केंद्र आणि वायाळ येथील पं

आझाद कामगार संघटनेच्या प्रयत्नाला यश; कंत्राटी सफाई कामगारांच्या वारसांना मिळणार काम पनवेल  (वार्ताहर) : सिडको महामंडळाकडे काम करणाऱ्या कंत्राटी सफाई कामगारांच्या वारसांना कामावर घेण्याचे प्राधिकरणाने मान्य केले आहे. विशेष मुख्य अभियंतांच्या दालनात पार पडलेल्या बैठकीत हे आश्वासन देण्यात आले. आझाद कामगार संघटनेच्या प्रयत्नाला यश मिळाले आहे यामुळे सिडको भवन वर काढण्यात येणाऱ्या आक्रोश मोर्चा स्थगित केला असल्याची माहिती संस्थापक महादेव वाघमारे यांनी दिली.               सिडकोकडे आरोग्य, अभियांत्रिकी त्याचबरोबर सिडको रेल्वे प्रकल्पात जवळपास 700 पेक्षा जास्त कंत्राटी सफाई कामगार काम करत आहेत. गेल्या अनेक वर्षांपासून ही सेवा बजावत असतानाही प्राधिकरणाने त्यांना अद्यापही कायम करून घेतलेले नाही. त्यांच्या न्याय हक्कासाठी आझाद कामगार संघटना लढा देत आहे. या संघटनेचे संस्थापक महादेव वाघमारे यांच्या पाठपुरामुळे 2017 पासून बंद असणाऱ्या पगारी रजा सुरू करण्यात आल्या. त्याचबरोबर चार वर्षाचे थकीत असलेले प्रत्येकी 38 हजार रुपये नवी मुंबईतील रेल्वे स्थानकावर स्वच्छता विषयक काम करणाऱ्या कामगारांना मिळवून द

*उद्धव ठाकरे यांच्या वाढदिवसानिमित्त कळंबोली शहर शाखेतर्फे मोफत आरोग्य शिबीर* पनवेल  (संजय कदम) : शिवसेना पक्षप्रमुख उद्धव बाळासाहेब ठाकरे यांच्या वाढदिवसानिमित्त शिवसेना (उद्धव बाळासाहेब ठाकरे) कळंबोली शहर शाखाच्या वतीने मोफत आरोग्य तपासणी आयोजित करण्यात आली आहे.  शिवसेना पक्षप्रमुख उद्धव बाळासाहेब ठाकरे यांचा 27 जुलै रोजी वाढदिवस आहे. शिवसैनिक त्यांचा वाढदिवस दरवर्षी मोठ्या उत्साहात साजरा करतात. उद्धव ठाकरे यांना शुभेच्छा देण्यासाठी राज्याच्या कानाकोपऱ्यातून मातोश्री निवासस्थानी शिवसैनिक जमा होतात मात्र यंदा इर्शाळवाडी दुर्घटनेमुळे उद्धव ठाकरे यांनी वाढदिवस साजरा न करण्याचा निर्णय घेतला आहे. माझ्या वाढदिवसाला कोणीही मातोश्री निवासस्थानी येऊ नये, असं आवाहन उद्धव ठाकरे यांनी शिवसैनिकांना केलं आहे. तसंच या दिवशी कोणते तरी सामाजिक उपक्रम राबवावेत असे आवाहन उद्धव ठाकरेंनी कार्यकर्त्यांना केले आहे. या आवाहनाला प्रतिसाद देत शिवसेना (उद्धव बाळासाहेब ठाकरे) कळंबोली शहरच्या वतीने २७ जुलै रोजी सेक्टर १ येथील शाखेत सकाळी 10 ते दुपारी 2 या दरम्यान मोफत आरोग्य तपासणी आयोजित करण्यात आली आहे. यामध्य

पनवेल तालुका पोलीस ठाणे अंतर्गत असलेली ८१ गावे तिसऱ्या डोळ्याच्या अधिपत्याखाली* पनवेल  (संजय कदम) : नवी मुंबईचे पोलीस आयुक्त मिलिंद भारंबे यांनी दिलेल्या निर्देशानुसार पनवेल तालुक्यातील जवळपास ८१ गावांमध्ये पनवेल तालुका पोलीस ठाण्याचे वरिष्ठ पोलीस निरीक्षक अनिल पाटील यांना लोकसहभागातून सीसीटीव्ही बसवून घेण्यात यश आले आहे. त्यामुळे आता या गावांमध्ये सुरक्षेच्या दृष्टीने कायदा सुव्यवस्था अबाधित राहण्यास मदत मिळणार आहे.                  पनवेल तालुका पोलीस ठाणे हद्दीमध्ये ३३ ग्रामपंचायत असून त्यामध्ये ८१ गावांचा समावेश आहे. या गावांमधील बहुतांश परिसर हा डोंगराळ भाग तसेच निर्जन असल्याने सदर ठिकाणी प्रवासी वाहतुक ही कमी प्रमाणात होते. त्यामुळे समाजकंटक हे गैर कृत्य करण्यासाठी व स्वताचे अस्तित्व लपविण्यासाठी सदर ठिकाणांचा वापर करतात व गंभीर स्वरुपाच्या घटना घडतात. त्यामुळे पोलीसांना गुन्हयाच्या तपासामध्ये अधिक पराकाष्टा करावी लागते. हि बाब नवी मुंबईचे पोलीस आयुक्त मिलिंद भारंबे यांना लक्षात येताच त्यांनी वरिष्ठ पोलीस निरीक्षक यांना पनवेल तालुका पोलीस ठाणे हद्दीतील सर्व गावांमध्ये लोकसहभागातून

पनवेल शहर पोलिसांनी बलात्काराच्या गंभीर गुन्ह्याचा तपास ४ दिवसांच्या आत केला पूर्ण;आरोपी विरुदध न्यायालयात दोषारोपत्र दाखल पनवेल (संजय कदम): एक महिलेला लग्नाचे अमिश दाखवून तिच्या सोबत शारीरिक संबध ठेवून तिला गर्भवती करून जबाबदारी नाकारणाऱ्या आरोपीला पनवेल शहर पोलिसांनी अटक केली आहे. बलात्काराच्या या गंभीर गुन्हयाचा तपास ४ दिवसांच्या आत पूर्ण करून गुन्हयातील आरोपी विरुदध मा. न्यायालयात दोषारोपत्र दाखल केला आहे.       पनवेल शहर पोलीस ठाण्यात एका महिलेने अनुज सुनिल वेदक (वय २९) याने हॅपन डेटिंग अॅपवरून ओळख करून त्यांना पनवेल येथे भेटण्यास बोलावून पनवेल येथील वृंदावन लॉजवर घेवून जावून तसेच लोणावळा येथील एका लॉजवर घेवून जावून त्यांचेशी लग्न करणार असल्याने सांगुन, त्यांचेसोबत जबरदस्तीने वारंवार शारीरीक संबंध करून त्यांना गर्भवती केले. त्यानंतर त्यांचेशी लग्न न करता त्यांची व बाळाची जबाबदारी घेण्यास नकार देवुन शिवीगाळी व दमदाटी केली असल्याची तक्रार दाखल केली होती. सदरची माहिती वरिष्ठ पोलीस निरीक्षक यांनी पोलीस उप आयुक्त, परि-२, पनवेल यांना दिली असता पोलीस उपआयुक्त, परिमंडळ ०२, पनवेल व मा. सह