पनवेल तालुक्यातील कर्नाळा पक्षी अभयारण्याच्या निसर्ग पर्यटन आराखड्याच्या संदर्भात आज (दि. १९) मुंबई येथील सह्याद्री अतिथीगृह येथे राज्याचे वने मंत्री सुधीरभाऊ मुनगंटीवार यांच्या अध्यक्षतेखाली आणि आमदार महेश बालदी यांच्या मागणीनुसार बैठक संपन्न झाली. यावेळी उत्तम असा कर्नाळा पक्षी अभयारण्याचा आराखडा तयार करण्याचे निर्देश मा. मंत्री महोदयांनी देऊन आराखड्याबद्दल मार्गदर्शक सूचना संबंधित विभागाला दिल्या. यावेळी वन विभागाचे प्रमुख अधिकारी व तसेच कर्नाळा विभागातील भाजपचे पदाधिकारी उपस्थित होते.