आंतरराष्ट्रीय पॉवरलिफ्टिंग स्पर्धेत रायगडचा कुणाल पिंगळे जाणार.
आंतरराष्ट्रीय पॉवरलिफ्टिंग स्पर्धेत रायगडचा कुणाल पिंगळे जाणार.
अरुण पाटकर / पनवेल
राष्ट्रीय पॉवरलिफ्टिंग खेळाडू प्रसिद्ध असलेले रायगडचे कुणाल पिंगळे(लोखंडे जिम,खोपोली) यांची निवड एशियन पॉवरलिफ्टिंग या आंतरराष्ट्रीय स्पर्धेसाठी झाली आहे. ही स्पर्धा १०ते१८डिसेंबर२०२३या
कालावधीत बहारू (मलेशिया)या ठिकाणी होणार आहे. 53 किलो वजनी गटाच्या जुनियर स्पर्धेत कुणाल पिंगळे भारत देशातर्फे सहभागी होणार आहेत.
त्याबद्दल कुणाल पिंगळे आणि त्याचे जिम संचालक श्री. प्रतीक लोखंडे (खोपोली) यांचे हार्दिक अभिनंदन पॉवर
लिफ्टिंग स्पोर्ट्स असोसिएशन रायगड यांनी केले आहे.या निवडीसाठीमहाराष्ट्र राज्य पॉवरलिफ्टिंग सचिव, आंतरराष्ट्रीय पंच, शिवछत्रपती पुरस्कार प्राप्त श्री संजय सरदेसाई यांनी अत्यंत मोलाचे मार्गदर्शन केले आहे. या स्पर्धेसाठी कुणाल पिंगळेआज ०८/१२/२३रोजी मध्यरात्रीनंतर मुंबईहून रवाना होणार आहे.
"पॉवरलिफ्टिंग स्पोर्ट्स असोसिएशन रायगड "चे अध्यक्ष गिरीश वेदक , उपाध्यक्ष श्रीनिवास भाटे, कार्याध्यक्ष यशवंत मोकल, सहसचिव सचीन भालेराव, तसेच दत्तात्रेय मोरे, माधव )पंडित, संदीप पाटकर, सुभाष टेंबे, मानस कुंटे यांनी कुणाल पिंगळे याला आंतरराष्ट्रीय स्पर्धेसाठी हार्दिक शुभेच्छा दिल्या आहेत. संघटनेचे सचिव श्री अरुण पाटकर यांनी कुणाल पिंगळे हा पदक विजेता होईल असा विश्वास व्यक्त केला आहे.
--
Comments
Post a Comment