"पश्चिम विभागीय पॉवरलिफ्टिंग "स्पर्धेत रायगडला दोन सुवर्णपदके

"पश्चिम विभागीय पॉवरलिफ्टिंग

"स्पर्धेत रायगडला दोन सुवर्णपदके

पनवेल (रायगड मत)

27 ते 29 सप्टेंबर 2023 या कालावधीमध्ये फोंडा स्पोर्ट्स कॉम्प्लेक्स, स्पोर्टस अथोरिटी ऑफ इंडिया नॉर्थ गोवा येथे राष्ट्रीय सब ज्युनिअर ज्युनिअर ,सीनियर,(पुरुष व महिला) पॉवरलिफ्टिंग अजिंक्यपद स्पर्धा संपन्न झाली. या स्पर्धेत महाराष्ट्राच्या संघातून रायगड जिल्ह्याचे ज्युनिअर पुरुष 53 किलो वजनी गटात कुणाल पिंगळे (लोखंडे जिम ,खोपोली )याने एकूण 415 किलो वजन घेतले त्यामध्ये स्कॉट प्रकारात 145 किलो बेंच प्रेस मध्ये 95 किलो आणि डेडली प्रकारात 175 किलो वजन घेतलेआणि सुवर्णपदक प्राप्त केले. 

       सब ज्युनिअर 83 किलो वजनी गटात अथर्व लोदी (संसारे फिटनेस पेण) याने 535 किलो वजन घेऊन सुवर्णपदक प्राप्त केले. अथर्व याने स्कॉट प्रकारात 192.5 बेंच मध्ये 100 किलो आणि डेडलीफ्ट मध्ये 242.5 असे वजन घेतले. कुणाल पिंगळे आणि अथर्व लोधी यांच्या यशाबाबत पॉवर लिफ्टिंग स्पोर्ट्स असोसिएशन रायगड चे अध्यक्ष गिरीश वेदक, कार्याध्यक्ष यशवंत मोकल, तसेच सहसचिव सचिन भालेराव, खजिनदार राहुल गजरमल आणि सर्वश्री माधव पंडित सुभाष टेंबे संदीप पाटकर आदींनी आनंद व्यक्त केला आहे. तसेच महाराष्ट्र राज्य पॉवरलिफ्टिंग चे सचिव शिवछत्रपती पुरस्कार प्राप्त "संजय प्रतापराव सरदेसाई"यांनी सुद्धा खेळाडूंना धन्यवाद दिले आहेत.