पनवेल Crime News विशेष. प्रतिनिधी - संजय कदम
पनवेल Crime News
विशेष. प्रतिनिधी - संजय कदम
मोटारसायकलीची चोरी
पनवेल ( संजय कदम) : पनवेल रेल्वे स्टेशन समोरील पोलीस चौकीच्या बाजूला फुटपाथ वर उभी करून ठेवलेली मोटारसायकल अज्ञात चोरट्याने चोरून नेल्याची घटना घडली आहे.
कृष्णकांत कांबळी यांनी त्यांची दहा हजार रुपये किमतीची यामाहा एस झेड आर कंपनीची लाल रंगाची मोटारसायकल क्रमांक एम एक ०२ सी व्हाय ८६०१ ही पनवेल रेल्वे स्टेशन समोरील पोलीस चौकीच्या बाजूला फुटपाथ वर उभी करून ठेवली असता अज्ञात चोरट्याने चोरून नेल्याची घटना घडली आहे. याबाबतची तक्रार पनवेल शहर पोलीस ठाण्यात करण्यात आली आहे.
----------------------------------------------------
तलावात आढळला मृतदेह
पनवेल (संजय कदम) : परिसरातील तलावाच्या पाण्यामध्ये पालथ्या स्थितीत तरंगत असलेला एका इसमाचा मृतदेह आढळून आला असून त्याच्या नातेवाईकांचा शोध पनवेल शहर पोलीस करीत आहेत.
सदर इसमाचे अंदाजे वय ३० ते ३५ वर्ष असून अंगात पिवळ्या रंगाचा फुल बाह्यांचा टी शर्ट व काळ्या रंगाची पॅन्ट तसेच पायात तपकिरी रंगाचे बूट, पॅन्ट ला काळ्या रंगाचा बेल्ट, आत मध्ये विटकरी रंगाची पॅन्ट घातलेली आहे. या इसमाबाबत कोणाला अधिक माहिती असल्यास त्यांनी पनवेल शहर पोलीस ठाणे दूरध्वनी ०२२- २७४५२३३३ किंवा पोलीस उपनिरीक्षक किरण वाघ यांच्याशी संपर्क साधावा.
---------------------------------------------------
पनवेल परिसरात आढळला अनोळखी इसमाचा मृतदेह
पनवेल ( संजय कदम) : पनवेल परिसरात एका अनोळखी इसमाचा मृतदेह आढळून आला असून त्याच्या नातेवाईकांचा शोध पनवेल शहर पोलीस करीत आहेत.
सदर इसमाचे अंदाजे वय ६० ते ६५ वर्षे नाक सरळ, डोक्याचे व दाढी मिशी चे केस पांढरे वाढलेले असून अंगात फिक्कट निळ्या रंगाचा शर्ट व त्यावर क्रीम रंगाचा चौकटी असलेला शर्ट घातलेला आहे . या इसमाबाबत कोणाला अधिक माहिती असल्यास त्यांनी पनवेल शहर पोलीस ठाणे दूरध्वनी ०२२- २७४५२३३३ किंवा पोलीस उपनिरीक्षक किरण वाघ यांच्याशी संपर्क साधावा.
---------------------------------------------------
Comments
Post a Comment