विकासकामांना चालना देण्याचे नेतृत्व म्हणजे खा. सुनील तटकरे -उपनगराध्यक्ष चंद्रकांत रोडे तळेगाव,बहुलेवाडी, शेणवली बौद्धवाडी ग्रामस्थाचा राष्ट्रवादी काँग्रेसमध्ये जाहीर प्रवेश

विकासकामांना चालना देण्याचे नेतृत्व म्हणजे खा. सुनील तटकरे -उपनगराध्यक्ष चंद्रकांत रोडे

तळेगाव,बहुलेवाडी, शेणवली बौद्धवाडी ग्रामस्थाचा राष्ट्रवादी काँग्रेसमध्ये जाहीर प्रवेश  

तळा संजय रिकामे

 राष्ट्रवादी काँग्रेस तळा तालुक्याच्या वतीने जाहीर पक्ष प्रवेश आणि मेळाव्याचे आयोजन दि.2.7.23 रोजी तळा येथे करण्यात आले होते या मेळाव्यामध्ये बहुलेवाडी, तळेगाव, शेणवली बौद्धवाडी ग्रामस्थांनी राष्ट्रवादी काँग्रेसमध्ये जाहीर प्रवेश केला या सर्व ग्रामस्थाचे राष्ट्रवादी काँग्रेस पक्षाची शाल घालून स्वागत करण्यात आले.यावेळी विकासकामांना चालना देण्याचे नेतृत्व म्हणजे खा. सुनील तटकरे असून त्यांच्या कार्यप्रणालीवर विश्वास ठेऊन आज ही सर्व मंडळी राष्ट्रवादी काँग्रेस पक्षात प्रवेश करत असल्याचे उपनगराध्यक्ष चंद्रकांत रोडे यांनी सांगितले या कार्यक्रमासाठी राष्ट्रवादी काँग्रेस तळा तालुका अध्यक्ष नाना भौड, शहर अध्यक्ष महेंद्र कजबजे महिला अध्यक्षा जानव्ही शिंदे,माजी सभापती हिराचंद तांबे माजी राजीप सदस्य बबन चाचले, माजी सभापती अक्षरा कदम, उपसभापती गणेश वाघमारे, नथुराम अडखळे ऍड उत्तम जाधव आदि मान्यवर उपस्थित होते.                                                                                      

                   रोडे पुढे म्हणाले की, आज ज्यांनी पक्ष प्रवेश केला आहे त्यांना आम्ही पक्ष स्थापन झाल्या पासूनचा सदस्य मानतो त्यांना सन्मान दिला जाईल तटकरे साहेब आज येऊ शकले नाही कारण राज्यात राजकीय घडामोडी जोरदार घडत आहेत त्यामुळे ते येऊ शकले नाही यावेळी खा. तटकरे यांनी फोन वर सर्वांचे स्वागत केले व जी विकासकामांची निवेदन दिले आहेत ते पूर्ण करण्याचे आश्वासन यावेळी पक्ष प्रवेश करणाऱ्या ग्रामस्थ यांना दिले. आज ज्यांनी पक्ष प्रवेश केला आहे त्यांचा पायगुण चांगला आहे कारण आज संध्यकाळी तटकरे साहेब एक चांगली बातमी देणार असल्याचे रोडे यांनी यावेळी सांगितले. ऍड उत्तम जाधव यांनी शिंदे गट म्हणजे अळवावरचे पाणी असून खा. सुनील तटकरे हे सर्वसामान्य यांना सोबत घेऊन जाणारे नेतृत्व असल्याचे सांगितले यावेळी तळेगाव येथील कुंभार समाज,कुणबी समाज,महाराजा तरुण मित्र मंडळ तळेगाव,बहुलेवाडी, शेणवली बौद्धवाडी येथील ग्रामस्थांनी राष्ट्रवादी काँग्रेस मध्ये जाहीर प्रवेश केला.