थोर समाजसुधारक स्व. जनार्दन आत्माराम भगत यांच्या पुण्यतिथी निमित्ताने स्वच्छता अभियान

 

थोर समाजसुधारक स्व. जनार्दन आत्माराम भगत यांच्या पुण्यतिथी निमित्ताने स्वच्छता अभियान 

पनवेल(प्रतिनिधी)  कष्टकऱ्यांचे द्रष्ट नेते थोर समाजसुधारक स्व. जनार्दन आत्माराम भगत यांच्या ३५ व्या पुण्यतिथी निमित्ताने  जनार्दन भगत शिक्षण प्रसारक संस्था आणि श्री. रामशेठ ठाकूर सामाजिक विकास मंडळ यांच्या संयुक्त विद्यमाने  ३० एप्रिल ते ०२ मे पर्यंत गव्हाण येथे स्वच्छता अभियानाचे आयोजन करण्यात आले आहे. 

         जनार्दन भगत साहेबांचे सामाजिक, राजकीय, शैक्षणिक क्षेत्रातील कार्य अफाट राहिले आहे. त्यांनी अहोरात्र जनतेची सेवा केली. फक्त राजकारण नाही तर सामाजिक आणि शैक्षणिक क्षेत्रात मोलाचे योगदान दिले आहे. आयुष्यापेक्षा ध्येय्य मोठे असले पाहिजे, अशी शिकवण त्यांनी समाजामध्ये रुजवली. त्यांच्या आदर्शाचा वारसा अखंड सुरु आहे. त्या अनुषंगाने गव्हाण ग्रामपंचायत विभागात स्वच्छता अभियान आयोजित करण्यात आले आहे. रविवार दिनांक ३० एप्रिल रोजी सकाळी ०८ वाजता गव्हाण ग्रामपंचायत कार्यालय येथे या अभियानाचे उदघाटन होणार असून यामध्ये ग्रामस्थांनी सहभागी व्हावे, असे आवाहन जनार्दन भगत शिक्षण प्रसारक संस्थेचे अध्यक्ष अरुणशेठ भगत, श्री. रामशेठ ठाकूर सामाजिक विकास मंडळाचे सचिव परेश ठाकूर यांनी केले आहे.