पनवेल महानगर पालिकेचे विरोधी पक्षनेते प्रितम म्हात्रे यांच्या वाढदिवसानिमित्त कुंडेवहाळ येथील जे.एम.म्हात्रे इन्फ्रा कार्यालयात रस्ता-सुरक्षा अभियान अंतर्गत कामगारांना सुरक्षेचे प्रशिक्षण तसेच वृक्ष रोपण कार्यक्रमाचे आयोजन केले होते. यानिमित्त सुरक्षा प्रशिक्षणाचे उद्घाटन करून वृक्ष रोपण करण्यात आले. यावेळी विरोधी पक्षनेते प्रितम म्हात्रे यांच्या वाढदिवसानिमित्त कर्मचाऱ्यांनी आणलेला केक कापून कंपनीतील कर्मचारी तसेच कामगार व कामगारांच्या मुलांसमवेत वाढदिवस साजरा केला.

  पनवेल महापालिकेचे विरोधी पक्षनेते प्रितम म्हात्रे यांच्या वाढदिवसाचे औचित्य साधून दिपक लॅबोरेटरी व निओ क्लिनिक आणि एको सेंटर यांच्या संयुक्त विद्यमाने नवीन पनवेल येथे मोफत वैद्यकीय चाचणी शिबिराचे आयोजन केले होते. त्यानिमित्त या कार्यक्रमाला प्रितम म्हात्रे यांनी भेट देऊन श्री.दिपक कुदळे, डॉ.निलेश बांठिया, सौ.हेमलता कुदळे तसेच लॅब टेक्निशियन यांचे आभार मानले. यावेळी श्री.दिपक कुदळे व सहकाऱ्यांनी केक भरवून वाढदिवस साजरा केला.