पनवेल(प्रतिनिधी) भाजपचे उत्तर रायगड जिल्हाध्यक्ष आमदार प्रशांत ठाकूर यांच्या पुढाकाराने दररोज हजारो लोकांना जेवण पुरविले जात असून या उपक्रमाचे सर्व स्तरातून कौतुक होत आहे.            कोरोना विषाणू प्रादुर्भाव आणि त्यामुळे आलेल्या लॉक डाऊन परिस्थितीमुळे मोलमजुरी करणाऱ्या नागरिकाला आणि त्यांच्या कुटुंबावर उपासमारीची वेळ येऊ नये यासाठी लोकनेते रामशेठ ठाकूर यांच्या सहकार्यातून आणि मार्गदर्शनातून पनवेल परिसरातील १८ हजारहून अधिक कुटूंबांना अन्नधान्य जीवनावश्यक वस्तूचे वाटप करण्यात आले.            त्याचप्रमाणे लॉक डाऊन वाढल्यानंतर हातावर पोट असलेल्या, मोलमजूर तसेच बेघर लोक अन्नापासून वंचित राहू नयेत, यासाठी आमदार प्रशांत ठाकूर यांच्या पुढाकाराने श्री. रामशेठ ठाकूर सामाजिक विकास मंडळ व पनवेल भाजपच्यावतीने 'मोदी भोजन  कम्युनिटी किचन' च्या माध्यमातून खारघर, पनवेल, तक्का, कामोठे येथे दररोज किमान अडीच हजार लोकांना तयार जेवण पुरविले जात आहे. हे अन्न फॉईल कंटेनरमध्ये  पॅक करून आणि सोशल डिस्टसिंगच्या नियमांचे पालन करून वाटप केले जात आहे. त्यामुळे गरीब गरजू लोकांना याचा मोठा दिलासा मिळाल

        म्हसळा । लॉकडाऊनच्या काळात बेकायदेशीररित्या मारुती सुझुकी गाडीतून दोन लाखांच्या आंब्यांच्या पेट्या म्हसळ्यातून कर्जतमध्ये नेणार्‍या म्हसळ्यातील कोळवट ग्रामपंचायत कोरोना संसर्ग नियंत्रण पथकातील सरकारी कर्मचार्‍याविरोधात कर्जत पोलीस ठाण्यात गुन्हा दाखल करण्यात आला आहे. पोलिसांनी दोन लाखांचा माल व मारुती सुझुकी व्हॅन जप्त केली आहे. कोरोनाच्या पार्श्वभूमीवर लॉकडाऊन, संचारबंदी आहे. कोरोनाची साखळी तोडण्यासाठी व खबरदारी म्हणून गावागावात कोरोना संसर्ग नियंत्रण पथक स्थापन करण्यात आले आहेत. या पथकाद्वारे कोरोनाबाबत माहिती देण्यासाठी ग्रामसेवक, शिक्षक, अंगणवाडी सेविका, आशासेविका असे सरकारी व निमसरकारी कर्मचारी महत्वाची भूमिका बजावत आहेत. असे असताना म्हसळा तालुक्यातील एका शिक्षकाने लॉकडाऊन व संचारबंदीचे उल्लंघन करून बेकायदेशीर काम केल्याची धक्कादायक घटना घडली आहे. म्हसळा तालुक्यातील पाष्टी केंद्रांतर्गत रायगड जिल्हा परिषद प्राथमिक शाळा भापट या शाळेतील उपशिक्षक आणि कोळवट ग्रामपंचायतीच्या कोरोना संसर्ग नियंत्रण पथकातील सदस्य अजय सोपान केंद्रे (सध्या रा. म्हसळा मूळ रा. कर्जत नानामास्तर मुद्रे

        माजी मुख्यमंत्री ए. आर. अंतुले यांचे सुपुत्र नावीद अंतुले यांचे हृदयविकाराच्या झटक्याने निधन मुंबईः महाराष्ट्राचे माजी मुख्यमंत्री बॅ. ए. आर. अंतुले यांचे सुपुत्र नावीद अंतुले यांचे हृदयविकाराच्या झटक्याने मुंबईत निधन झाले. त्यांच्या निधनाने संपूर्ण रायगड जिल्ह्यात शोक व्यक्त करण्यात येत आहे. महाराष्ट्राचे माजी मुख्यमंत्री स्व. बॅ. ए.आर. अंतुले यांचे सुपुत्र नावीद अंतुले यांचे मंगळवारी (28 एप्रिल) रात्री हृदयविकाराच्या झटक्याने निधन झाले. मुंबईतील सैफी रुग्णालयात त्यांनी अखेरचा श्‍वास घेतला. मंगळवारी रात्री त्यांना हृदयविकाराचा तीव्र झटका आला. त्यांना तातडीने मुंबईतील सैफी रुग्णालयात उपचारासाठी दाखल करण्यात आले. मात्र उपचारापूर्वीच त्यांचा मृत्यू झाला, वडील बॅ. ए. आर. अंतुले राजकारणात सक्रिय असताना नावीद अंतुले हे राजकारणापासून दूर होते. दोन वर्षांपूर्वी आंबेत ग्रामपंचायत निवडणुकीपासून ते सक्रिय झाले. स्थानिक जनतेचे प्रश्न सुटले पाहिजेत, असा त्यांचा आग्रह होता. बोलायला रोखठोक असलेले नावीद तरुणांमध्ये चांगलेच लोकप्रिय झाले होते. गेल्या लोकसभा निवडणुकीत मार्च 2019 मध्ये नावीद अंत