धाडसी अधिकारी शत्रुघ्न माळी खारघर पोलिस ठाण्याच्या वरिष्ठ पदी रुजू

 

पनवेल : राज भंडारी 

 

           धाडसी पोलीस अधिकारी शत्रुघ्न माळी यांची खारघर पोलिस ठाण्याच्या वरिष्ठ पोलीस निरीक्षक पदी नियुक्ती करण्यात आली असून त्यांनी आपल्या पदाचा पदभार शनिवारी सकाळी स्वीकारला. वरिष्ठ पोलिस निरीक्षक प्रदीप तिदार यांनी आपल्याकडील पोलीस ठाण्याच्या पदभार शत्रुघ्न माळी यांच्याकडे सुपूर्द केला. 

 

          शत्रुघ्न माळी हे पोलीस अधिकारी म्हणून सर्वांना परिचित आहेत, पनवेल शहर पोलिस ठाण्यामध्ये पोलीस निरीक्षक म्हणून काम करताना त्यांनी अनेक धाडसी कारवाया करून गुन्हेगारांमध्ये दहशत निर्माण केली होती.  यावेळी खारघर पोलीस ठाण्याच्या हद्दीतील अनधिकृत धंदे वाल्यांचे धाबे यामुळे धबकले आहेत.  पोलीस अधिकारी असले तरी त्यांनी आपल्या शैलीने अनेक मित्र परिवार जोडला आहे. मैत्रीच्या दुनियेतील राजा माणूस म्हणून समजसेवक तसेच पत्रकार त्यांच्याकडे पाहत असतात. शनिवारी त्यांनी पदभार स्वीकारल्यानंतर असंख्य समाजसेवक, राजकीय नेते, पत्रकार मंडळींनी त्यांना प्रत्यक्ष भेटून शुभेच्छा दिल्या आहेत.