म्हसळ्यात पुन्हा एक विनयभंगाची घटना, आरोपीला केले जेरबंद

म्हसळा / रायगड मत (प्रतिनिधी)

      म्हसळा तालुक्यात अनेक ठिकाणी या आधी विनयभंग, 
पॉक्सोच्या घटना घडल्या आहेत. मात्र खामगांव येथे घडलेली घटना फार विचित्र आहे. ऐकतांना सुध्दा अंगावर शहारे येतात. एका चुलत भावानेच आपल्या चुलत बहिणीचे विनयभंग केले आहे. अत्यंत लज्जास्पद कृत आम्ही बातमीत लिहूही शकत नाहीत आणि पोलीस सांगू शकत नाहीत. 
   

        घडलेल्या घटनेची माहिती म्हसळा पोलीस स्टेशनचे सहाय्यक पोलीस निरीक्षक धनंजय पोरे सांगातांना म्हणाले की, ‘‘खामगांव येथील आदिवासी वाडी मध्ये राहत असणा-या एका 20 वर्षीय तरुण आरोपी दिपक पवार, वय वर्षे 20 याने आपल्या पीडित चुलत बहिण झोपलेली असतांना रात्री 2 वाजता अत्यंत घाणरडे कृत्य करीत त्या पिडीत तरुणीचा विनयभंग केला. ही घटना घडल्याच्यानंतर म्हणजे 27 ऑक्टोबरला पिडीत मुलीने म्हसळा पोलीस स्टेशनशी संपर्क साधून एफआरआय नोंदविली.

       लागलीच पोलिसांनी एफआरआय 56/20 आय.पी.सी. 354 (अ) प्रमाणे गुन्हा दाखल करीत पीडित मुलीला धीर दिला. तिला धिर देत हकीकत जाणून घेतली आणि ताबडतोब आरोपी दिपक पवार  याला अटक केली. त्याला श्रीवर्धन कोर्टात हजर केले असून पुढील तपास सहाय्यक पोलीस निरीक्षक धनंजय पोरे यांच्या मार्गदर्शनाखाली पो.ह. मिलींद सुर्वे (खामगांव दूर क्षेत्र) हे करीत आहेत.