बिहारमधील विधानसभा निवडणुकांमध्ये शिवसेनेचे २३ उमेदवार

प्रतिनिधी,         

बिहारमधील विधानसभा निवडणुकांमध्ये पहिल्या टप्प्यात २८ ऑक्टोबरला मतदान होणार असून त्यात शिवसेनेचे ३ उमेदवार आहेत. दुसऱ्या टप्प्यासाठी ३ नोव्हेंबरला मतदान होणार असून त्यात शिवसेनेचे ९ उमेदवार उभे आहेत. तिसऱ्या टप्प्यासाठी ७ नोव्हेंबरला मतदान होणार असून त्यात पक्षाचे ११ उमेदवार रिंगणात आहेत. शिवसेनेच्या या उमेदवारांसाठी खासदार आणि प्रवक्त्या प्रियंका चतुर्वेदी पाटण्यात पत्रकार परिषद घेणार असून उमेदवारांच्या प्रचारासाठी खा. अनिल देसाई, खा. कृपाल तुमाने आणि माजी खासदार चंद्रकांत खैरे बिहारमध्ये जाणार आहेत.

        महाराष्ट्राची बदनाम करणाऱ्या बिहारमधील सत्ताधाऱ्यांशी दोन हात करण्यासाठी शिवसेनेने तेथील विधानसभा निवडणुकीत २३ उमेदवारांना रिंगणात उतरवले आहे. यातील १० मतदारसंघात शिवसेनेचे उमेदवार भाजपच्या उमेदवारांचा सामना करणार आहेत.

उमेदवार आणि मतदारसंघ

     मनीष कुमार-पालीगंज, ब्युटी सिन्हा - गया शहर, मृत्युंजय कुमार- वजीरगंज, संजय कुमार-चिरैय्या, रवींद्र कुमार-मनेर, संजय कुमार-फुलपराश, जयमाला देवी-राघोपूर,संजित कुमार झा-बेनीपूर, शंकर महसेठ-मधुबनी, रंजय कुमार सिंह-तरैय्या, विनिता कुमारी-अस्थवा, प्रदीप कुमार सिंह-औराई, शत्रुघ्न पासवान-कल्याणपूर, सुभाषचंद्र पासवान- बनमंखी, नवीन कुमार मल्लिक- ठाकूरगंज, नंद कुमार- समस्तीपूर, पुष्पांकुमारी- सराय, रंजन मनीष कुमार- मोरवा, शिवनाथ मल्लिक-किशनगंज, चंदन कु. यादव- बहादुरगंज, गुंजा देवी-नरपरगंज, नागेंद्र चंद्र मंडल- मनिहारी.