जिल्हा संघटन सरचिटणीसअविनाश कोळी यांना मातृशोक

पनवेल(प्रतिनिधी) भाजपचे रायगड जिल्हा संघटन सरचिटणीस अविनाश कोळी यांच्या मातोश्री शालिनी महादेव कोळी यांचे वयाच्या ७३ व्या वर्षी आज (सोमवार, दि. ०८)  अल्पशा आजाराने निधन झाले.  त्यांच्या पश्चात पती महादेव कोळी, तीन विवाहित मुले सुभाष, अविनाश, नंदू, विवाहित मुलगी सुषमा, सुना, जावई, नातवंडे, असा मोठा परिवार आहे. 

        शालिनी यांच्या पार्थिवावर पनवेल येथील कोळीवाडा स्मशानभूमीत फिजिकल डिस्टन्सचे नियम पाळून अंत्यसंस्कार करण्यात आले. अंत्ययात्रेस महापौर डॉ. कविता चौतमोल, सभागृहनेते परेश ठाकूर, भाजपचे शहर मंडल अध्यक्ष जयंत पगडे, शहर सरचिटणीस नगरसेवक नितीन पाटील, यांच्यासह विविध क्षेत्रातील मान्यवर उपस्थित होते. 

        शालिनी यांच्या निधनाबद्दल माजी खासदार लोकनेते रामशेठ ठाकूर, माजी पालकमंत्री आ. रविंद्र चव्हाण, आमदार प्रशांत ठाकूर, आमदार महेश बालदी यांच्यासह सामाजिक, शैक्षणिक, कला, सांस्कृतिक, राजकीय क्षेत्रातील मान्यवरांनी शोक व्यक्त केला आहे.