चिंचपाडा येथील भराव काढल्याने पनवेल शहराला पुराचा धोका कमी

पनवेल (प्रतिनिधी) आमदार प्रशांत ठाकूर यांच्या प्रयत्नामुळे चिंचपाडा येथील गाढी नदीच्या पूलाखालील  भराव काढण्यात आल्याने या वर्षी पनवेल शहरात पावसाळ्यात पुराचे पाणी शिरण्याचा धोका कमी झाली असल्याची माहिती माजी स्थायी समिती सभापती मनोहर म्हात्रे यांनी दिली.  
             पनवेल शहरात मागील वर्षी पावसाळ्यात जून ते सप्टेंबर महिन्यात झालेल्या जोरदार पावसात  गाढी नदीचे पाणी पनवेल शहरातील साई नगर ,बावन्न बंगला ( दि .बा. पाटील नगर ) , पटेल मोहल्ला खाडी,वीट सेंटर ,कोळीवाडा भागात 5-8 फुट पाणी साचले होते. त्यामुळे अनेकांचे मोठ्या प्रमाणात नुकसान झाले होते. चिंचपाडा भागात गाढी नदीवरील पूलाखाली मातीचा भराव असल्याने पनवेल शहरात मोठ्या प्रमाणात पाणी येऊन पुर सदृश्य स्थिति निर्माण झाल्याचे लक्षात आले होते.
              या संदर्भात आमदार प्रशांत ठाकूर यांनी ही परिस्थिति शासनाच्या लक्षात आणून दिली होती. कोरोंनाच्या लॉक डाऊन काळात शहरात आणि महामार्गावर रस्त्याची आणि पावसाळ्यापूर्वीची कामे सध्या जोरात सुरू आहेत. आमदारांनी सदर पुलाचे ठेकेदार अशोका बिल्डकोंनचे एम.आर. पाटील यांना याबाबत सांगून तो भराव काढायला सांगितला असता त्यांनी गाढी नदीच्या पूलाखालील भराव नगरसेवक मनोहर म्हात्रे यांच्या मार्गदर्शनाखाली काढण्यास सुरुवात केली आहे. 

 

रायगडचे लोकमत 'रायगड मत' 
संपादक :- जितेंद्र नटे ✍️

बातम्या आणि जाहिरातीसाठी संपर्क साधा :-
📲 8652654519
📲 9137595224

Email : raigadmat@gmail.com 
🌍 Website : raigadmat.page 

🎤 News Channel - News81रायगड मत 

https://www.youtube.com/channel/UCLPo_3uBeBf7J7JAxssbZlg