श्रीवर्धन तालुक्यात कोरोना बाधित रुग्णात वाढ ; नागरिकांमध्ये चिंतेजनक वातावरण ,आरोग्य व पोलीस यंत्रणेच्या आव्हानात वाढ

 

 

 

(श्रीवर्धन; सोपान निंबरे/ राजू रिकामे)

 श्रीवर्धन तालुक्यातील भोस्ते परिसरातील पहिल्या व्यक्तीचा रिपोर्ट कोरोना पॉझिटिव्ह आल्याने श्रीवर्धनमध्ये सर्वत्र  भीतीजनक खळबळ उडाली असतांना त्यामध्ये आजच्या नवीन कोरोना चाचणी मध्ये चार जणांचा पॉझिटिव्ह रिपोर्ट आल्याने सर्वांच्या चिंतेत वाड झाली आहे. सदर व्यक्तीच्या संपर्कात आलेल्या २८ व्यक्तींना कोरोना चाचणी करिता पनवेल येथे पाठविण्यात आले होते. त्यापैकी भोस्ते गावातील रुग्णाच्या कुटुंबातील व्यक्तींचा रिपोर्ट पॉझिटिव्ह आला असून बाकी इतर संपर्कात आलेल्या खाजगी डॉक्टर व स्टाप, रक्त तपासणी करणारे डॉक्टर तसेच रिक्षा चालक, दुचाकी चालक व इतर संपर्कात आलेल्या व्यक्तींचा रिपोर्ट नेगिटिव्ह असल्याची माहिती सूत्रांकडून मिळाली आहे. अचानक कोरोना पॉझिटिव्ह रुग्णांत झालेली वाढ पाहून नागरिकांच्या काळजाच्या ठोक्यांमध्येही वाड झाली असून श्रीवर्धन कोरोना पश्वभूमीवर जी यंत्रणे काम करत आहेत त्यांच्याही आव्हानात मोठी जबाबदारीची भर पडली आहे.अस असतांना  तालुक्यात अनेक चाकरमानी मुंबई पुणे येथून येत आहेत त्यामुळे स्थानिक पातळीवर रहाणाऱ्या नागरिकांच्या सुरक्षितेच्या चिंतेत ही वाढ झाली आहे. कोरोना हॉस्पॉट बाधित भागातून बंदोबस्त असतांना चाकरमानी गाडी किंवा पाई चालत येत आहेत ही मोठी चिंतेची बाब आहे.अशी चर्चा नागरिक करीत आहेत.